Басқару топтарының құрылымын автоматты түрде жасау

Kaspersky Security Center бағдарламасы топтар құрылымын жасау шеберінің көмегімен басқару топтарының құрылымын автоматты түрде қалыптастыруға мүмкіндік береді.

Шебер келесі деректер негізінде басқару топтарының құрылымын жасайды:

• Windows желісінің жұмыс топтары мен домендерінің құрылымы;
• Active Directory топтары құрылымы;
• әкімші қолмен жасаған мәтіндік файлдың мазмұны.

Мәтіндік файлды қалыптастыру кезінде келесі ережелерді ұстану керек:

• Әрбір жаңа топтың атауы жаңа жолдан басталуы тиіс: бөлгіш жол үзігінен басталуы керек. Бос жолдар еленбейді.

  Мысалы: Кеңсе 1 Кеңсе 2 Кеңсе 3 Мақсатты топта бірінші иерархия тобының үш тобы құрылады.

• Салынған топтың атауын қисық сызық (/) арқылы көрсету керек.

  Мысалы: Кеңсе 1/Бөлімше 1/Бөлім 1/Топ 1 Мақсатты топта бір-біріне салынған төрт ішкі топ құрылады.

• Иерархия деңгейі бірдей болатын бірнеше салынған топты құру үшін "топқа апаратын толық жолды" көрсету керек.

  Мысалы: Кеңсе 1/Бөлімше 1/Бөлім 1 Кеңсе 1/Бөлімше 2/Бөлім 1 Кеңсе 1/Бөлімше 3/Бөлім 1 Кеңсе 1/Бөлімше 4/Бөлім 1 Мақсатты топта "Кеңсе 1" бірінші иерархия деңгейінің бір тобы құрылып, оның құрамына иерархия деңгейі бірдей болатын төрт салынған топ кіреді: "Бөлімше 1", "Бөлімше 2", "Бөлімше 3" және "Бөлімше 4". Осы топтардың әрқайсысының құрамына "Бөлім 1" тобы кіретін болады.

Шебердің көмегімен басқару топтарының құрылымын құру кезінде желінің бүтіндігі бұзылмайды: жаңа топтар қолданыстағы топтарды алмастырмайды, тек қосылады. Клиент құрылғысы басқару тобының құрамына қайтадан қосыла алмайды, себебі құрылғыны басқару тобына көшіру кезінде ол Тағайындалмаған құрылғылар тобына жойылады.

Басқару топтарының құрылымын құру кезінде құрылғы қандай да бір себептермен Тағайындалмаған құрылғылар тобының құрамына қосылмай қалған (өшірілген, желіден ажыратылған) болса, ол басқару тобына автоматты түрде көшірілмейді. Шебердің жұмысы аяқталғаннан кейін, құрылғыларды басқару топтарына қолмен қоса аласыз.

Басқару топтарының құрылымын автоматты түрде жасауды іске қосу үшін:

1. Консоль ағашында Басқарылатын құрылғылар қалтасын таңдаңыз.
2. Басқарылатын құрылғылар қалтасының мәнмәтіндік мәзірінде Барлық тапсырмалар → Жаңа топ құрылымы тармағын таңдаңыз.

Нәтижесінде, басқару топтарының құрылымын жасау шебері іске қосылады. Содан кейін, шебердің нұсқауларын орындаңыз.

Басына оралу